Inothi Elikuskrini
Kudlala umculo opholile. Esikrinini esimhlophe, sifunda kumafonti
amnyama okuthi, "Okukhululwa Ngo-November 2022 Ku-Airbnb."
Ikhamera ithwebula u-Brian ekhuluma. Kwesobunxele sakhe, sibona isitsha esinezithelo. Ngemuva kwakhe, kwesokudla sakhe, kunezitebhisi ezithandelayo ezinezinto zokubambelela ezimnyama nezindawo zokunyathela ezenziwe ngokhuni. Ngemuva, kukhona iwindi elikhulu elingenisa ukukhanya. Njengoba ekhuluma, uBrian uyamamatheka ngendlela enobungane.
Brian
Sanibona, nginguBrian. Besilokhu silalele lokho enikushoyo, futhi sesenze izinguquko eziningi
ngesikuzwile. Njengengxenye yalokho Okukhululwa Ngo-November 2022 Ku-Airbnb, ngiyajabula
ngokuthuthukisa okungu-10 okwenzelwe nina, Babungazi bethu.
Inothi Elikusikrini
Kungemuva elimhlophe, kubhalwe inombolo enkulu ethi 10 futhi, ngamafonti amnyama, okuthi “Ukuthuthukisa
kwaBabungazi.”
Brian
Okokuqala, nithe nifuna izivikelo ezithe xaxa
lapho nibungaza, ngakho-ke, sininika i-AirCover eyengeziwe.
Inothi Elikusikrini
Kungemuva elimhlophe, kubhalwe inombolo enkulu ethi 1 futhi, ngamafonti amnyama kuthi, “I-AirCover
eyengeziwe.”
Brian
I-AirCover isinezivikelo zezimoto
nezikebhe ezipakwe ekhaya lakho, nekhava eyandisiwe yemidwebo nezinto eziyigugu.
Inothi elikusikrini
Imoto, isikebhe, nomdwebo
kuyavela esikrinini. Imoto isendilingeni empunga. Umkhumbi usendilingeni enombala
okhanyayo osasibhakabhaka obukeka njengamanzi, futhi umdwebo usendilingeni ebukeka
njengendawo yaphansi eyakhiwe ngokhuni. Ngezansi kwako, kunamagama, ashoyo ukuthi into ngayinye
iyini. "Izimoto," "Izikebhe," kanye nokuthi "Imidwebo Nezinto Eziyigugu."
Brian
Futhi sikhulisa isivikelo somonakalo kusuka ku-$1
million kuya ku-$3 million.
Inothi elikusikrini
Sifunda okuthi $1,000,000 okubhalwe ngamagama agqamile
amnyama kungemuva elimhlophe. Bese, izinombolo ziyanyuka, zikhuphuke zize zifike
ku-$3,000,000.
Brian
Okwesibili esikuzwile ukuthi nifuna
ukuqinisekisa ukuthi izivakashi zingabantu ezithi ziyibo.
Inothi Elikusikrini
U-Brian ukhuluma ebheke ngqo kukhamera
ngokuzethemba. Ngokulandelayo, ikhamera iyashintsha isuke ebusweni buka-Brian
iye esithombeni esibanzi esibonisa izandla nomzimba wakhe.
Kungemuva elimhlophe, kubhalwe inombolo 2 enkulu futhi, ngamafonti amnyama kuthi, “Isiqinisekiso se-ID yesivakashi.”
Brian
Ngakho njengengxenye ye-AirCover, sinweba ukuqinisekiswa
kwe-ID yesivakashi ezivakashini ezibhukha uhambo emazweni angu-35 aphambili
ku-Airbnb. Lokho kusho u-90% wokubhukha, futhi ngoMay ozayo, kuzokhava u-100%.
Inothi elikusikrini
Isithombe siyafiphala kungemuva elimhlophe
futhi kunesmathifoni endaweni engaphambili. I-app ye-Airbnb ivuliwe ocingweni, futhi sibona
ikhasi elimayelana nesivakashi. Imininingwane esondeziwe ithi "Mayelana no-Priya,"
ibonisa ukuthi lesi sivakashi sine-ID eqinisekisiwe uma ikhuliswa. Lokhu kuboniswa
ne-ayikhoni enehawu elimnyama elinomaka onguqhwi omhlophe ngaphakathi.
Brian
Niphinde nathi nifuna usizo
ngamaphathi angagunyaziwe, ngakho sakhe ubuchwepheshe bokuhlunga ukubhukha.
Inothi Elikusikrini
Kungemuva elimhlophe, kubhalwe inombolo 3 enkulu futhi,
ngamafonti amnyama okuthi, “Ubuchwepheshe Bokuhlunga Ukubhukha”.
Brian
Lobu buchwepheshe bubheka amakhulu ezici
ukuze buvimbe ukubhukha okungaholela emaphathini angagunyaziwe. Siqala
e-US nase-Canada futhi sidlulela emhlabeni wonke ngoMay.
Inothi elikusikrini
Kusikrini se-app, sibona isicelo sokubhukha,
esibonakala simbozwe ibhena ewolintshi ene-ayikhoni yehawu, ebonisa
ukuthi lokhu kubhukha kuvinjelwe. Sifunda okuthi "Lesi sicelo sivinjelwe"
kanye nencazelo eningiliziwe ngamagama ampunga, amancane.
Brian
Yi-AirCover entsha leyo. Ayikho enye inkampani yezokuvakasha
enento enjenge-AirCover.
Inothi elikusikrini
Kungemuva elimhlophe, sifunda okubhalwe ngezinhlamvu ezinkulu
ezibomvu okuthi "air" futhi ngezimnyama okuthi "cover." Ngezansi, ngamagama amancane,
okuthi "Yababungazi."
Bese, ithebula liqhathanisa iphefomensi ye-Airbnb nezimbangi zayo. Emaphuzwini angu-10 (awokuqala angu-5 aboniswe ngombala ompunga okhanyayo), i-Airbnb inezimpawu zokuqoka eziluhlaza ezingu-10, kuyilapho izimbangi zineziphambano ezibomvu ezingu-8 kanye nezimpawu zokuqoka eziluhlaza ezingu-2 kuphela. Ukuziqhathulula: Ukuqhathanisa kusekelwe emininingwaneni enikwa uwonk'uwonke nokunikezwayo kwamahhala kwezimbangi ezihamba phambili kusukela ngo-October 2022.
Brian
Uma udinga ukufaka ikleyimu ye-AirCover, sizwile
ukuthi inqubo inobunzima. Ngakho-ke, sesiyenze yaba lula.
Inothi Elikusikrini
Kungemuva elimhlophe, kubhalwe inombolo 4 enkulu, futhi
ngamafonti amnyama kuthi, "Sekulula ukufaka ikleyimu."
Bese, kuvela isikrini socingo, futhi ku-app ye-Airbnb kuboniswa iwindi elinelogo ye-AirCover phezulu. Ngezansi kwelogo, kuthi "Yababungazi." Isihloko, ngezinhlamvu ezinkulu, sithi "Cela ukubuyiselwa imali," Bese kuvela izihlokwana ezintathu ezithi: Thola amadokhumenti asekelayo, Yisho okwenzekile, Thumela isicelo sakho. Iphuzu ngalinye lilandelwa umbhalo omncane, ompunga, ochaza kafushane ngesihloko ngasinye.
Brian
Manje sekuyizinyathelo ezimbalwa ezilula. Khetha
uhlobo lomonakalo, njengento elahlekile. Sitshele ukuthi kulahlekeni, kudala kangakanani
futhi kubiza malini. Futhi sizofaka usuku. Futhi ungabhalela
isivakashi umyalezo. Usuqedile.
Inothi Elikusikrini
I-app ye-Airbnb ibonisa iwindi elinesihloko esithi "Masifake
into yakho yokuqala," bese iya ngokushesha ohlwini. Uma ikhamera isondela,
kubhalwe okuthi, "Kwenzekeni?" ibonisa okungu-3 ongakukhetha:
- Into elimele
- Into elahlekile
- Ukuhlanza okungalindekile noma iphunga lentuthu.
Ividiyo ikhetha okwesibili, bese isikrini sishintshela ewindini elithi "Faka into". Lapha sibona amabhokisi ambalwa ongawakhetha. Ukusuka phezulu kuye phansi:
- Kwenzekeni?
Into elahlekile
- Yini elahlekile? Kuvidiyo kubhalwa ukuthi, "Amathawula okugeza."
- Yindala kangakanani le nto? (Ubudala bento) kubhalwa ukuthi "unyaka owodwa".
- Le nto ibiza malini? (Inani) kubhalwa u-$45.
Ngokulandelayo, ividiyo ibonisa iwindi ku-app elinesihloko esithi "Kwenzeke nini lokhu?" bese kufakwa usuku oluthi 10/24/22.
Ekugcineni, ithuba
lokubhalela isivakashi umyalezo. Iwindi elinesihloko esithi: "Bhalela
isivakashi sakho umyalezo," okubhalwe kulo ukuthi, "Lapho ngibuya ngithole
amathawula okugeza ambalwa engasekho."
Ekuphetheni, sibona isikrini sokugcina
okuhlanganiswa kuso yonke idatha ebifakiwe ngaphambilini.
Brian
Okunye esikuzwile kini cishe yikona okubaluleke nakakhulu. Nifuna
izivakashi zihloniphe amakhaya enu. Yingakho sethula imithetho ebekiwe
yezivakashi.
Inothi Elikusikrini
Ikhamera ibuyela ebusweni buka-Brian. Ukhuluma
ngokugcizelela. Bese, kungemuva elimhlophe, kubhalwe inombolo 5 enkulu. Ngamafonti
amnyama kuthi, "Imithetho ebekiwe yezivakashi."
Brian
Kusukela ekuqaleni konyaka ozayo, sizoyibonisa zonke izivakashi ngaphambi kokubhukha, ukuze
zilandele imithetho yendlu futhi amakhaya enu ziwaphathe njengokungathi awazo.
Uma isivakashi siphula imithetho ebekiwe, sithola isixwayiso sokuqala.
Futhi uma siqhubeka, sizomiswa okwesikhashana futhi, uma kunesidingo, sikhishwe
ku-Airbnb.
Inothi Elikusikrini
Ku-app Ye-Airbnb, ngaphansi kokuthi "Qinisekisa Ukubhukha,"
ividiyo iskrola ishone phansi ukuze kugqanyiswe ingxenye yesikrini, ebonisa isihloko
esithi "Imithetho Ebekiwe," futhi kubhalwe okuthi, "Sicela zonke izivakashi
zikhumbule izinto ezimbalwa ezimayelana nalokho okushiwo ukuba yisivakashi esihle. Landela imithetho
yendlu. Phatha ikhaya lombungazi wakho njengokungathi ngelakho."
Bese, ikhamera ibuyela emuva ku-Brian, ekhuluma ngokuqiniseka futhi enyakazisa izandla.
Brian
Nisitshele nalokhu: "Ngifuna ukwazi kabanzi ngerekhodi lezivakashi zami
ku-Airbnb." Ngakho, sinezela eminye imininingwane ekuphawuleni kwezivakashi.
Inothi Elikusikrini
Kungemuva elimhlophe, kubhalwe inombolo 6 enkulu nokuthi
"Imininingwane eyengeziwe ekuphawuleni ngezivakashi."
Brian
Ngaphezu kokufaka isilinganiso sezinkanyezi, seningafaka imininingwane eyengeziwe,
ezobonwa abanye aBabungazi uma bethola isicelo sokubhukha.
Inothi Elikusikrini
Isikrini se-app ye-Airbnb sibonisa isihloko esithi "Uyilandele
kahle kangakanani u-Isa imithetho yendlu yakho" kanye nethuba lokushiya
umbono osekelwe esilinganisweni senkanyezi. Kukhona izinkanyezi ezingu-5, futhi ividiyo ifaka u-3
ngombala obomvu odumile we-Airbnb. Ngezansi kwezinkanyezi, kubhalwe okuthi "Uyilandele imithetho ethile,"
futhi engxenyeni engezansi kwesikrini, kunethuba lokubonisa lokho okwenzekile
ngezinkinobho ezimbalwa ezinombhalo. Kukhethwe okubili: "Uhlale kwaze kwadlula isikhathi
sokuphuma" nokuthi "Isilwane esifuywayo esingavunyelwe."
Bese, ividiyo ibonisa isikrini esihlanganisa ukuphawula kwaleso sivakashi, okunamaphuzu ento ngayinye:
- Inani eliyisilinganiso (izinkanyezi ezingu-4.9)
- Inhlanzeko (izinkanyezi ezingu-4.8)
- Imithetho yendlu (izinkanyezi ezingu-4.87)
- Ukukhulumisana (Izinkanyezi ezingu-5.0)
Ngezansi, sibona ukuphawula kwalo mbungazi ngalesi sivakashi ngamagama nemininingwane eqondile.
Esithombeni esisondeziwe sale mininingwane, siyabona ukuthi okuthi "Izibi zikhishiwe" nokuthi "Ubephendula njalo" kunoqhwi, okuthi "Uhlale kwaze kwadlula isikhathi sokuphuma" nokuthi "Isilwane esifuywayo esingavunyelwe" kune-ayikhoni yesexwayiso.
Brian
Mayelana nokuphawula, nisitshele nokuthi kubalulekile ukususa
ukuphawula okungafanele, kokuziphindiselela.
Inothi Elikusikrini
Ikhamera ibonisa u-Brian ekhuluma ngokuzethemba.
Bese, kungemuva elimhlophe, kubhalwe inombolo 7 enkulu nokuthi "Ukuvikelwa
ekuphawuleni kokuziphindiselela."
Brian
Manje sekulula ukucela ukukhishwa kokuphawula kokuziphindiselela, noma
ngabe kwabhalwa nini.
Nithe futhi nifuna ukukhokhelwa okusheshayo. Yingakho sethula i-Fast Pay (okwamanje ese-US kuphela).
Inothi Elikusikrini
Kungemuva elimhlophe, kubhalwe inombolo 8 enkulu nokuthi
"Fast Pay."
Ngaphakathi kwe-app ye-Airbnb, esikrinini esithi "Ake sifake indlela yokukhokhelwa", isithombe esisondeziwe sigqamisa ingxenye emaphakathi, ukwenza i-Fast Pay isebenze. Ngaphakathi kukanxande, kunesihloko esithi "Ungathanda ukukhokhelwa kanjani?" esilandelwa izincazelo ezithile ezibhalwe ngezinhlamvu ezincane. Ongakhetha kukho kuthi "Fast Pay" nokuthi "I-akhawunti Yasebhange," bese kukhethwa i-Fast Pay. Ukuziqhathulula: I-Fast Pay okwamanje itholakala emakhadini edebhithi ase-US afanelekayo.
Brian
Uma ukhetha i-Fast Pay, uzokhokhelwa
emizuzwini engu-30 ekhadini lakho ledebhithi ngezindleko ezincane.
Ngemva kokwethula Izigaba ngoMay, iningi lenu labuza: "Ngizokwazi kanjani ukuthi ngikusiphi isigaba? Kusukela ekuqaleni konyaka ozayo, uzokwazi ukubona ukuthi ikhaya lakho likusiphi isigaba. Ungakubona emininingwaneni yendlu yakho.
Inothi Elikusikrini
Kungemuva elimhlophe, kubhalwe inombolo 9 enkulu nokuthi "Buka
isigaba sakho."
Ngaphakathi kwe-app, emininingwaneni yendlu, ukuskrola okusheshayo okwehlayo kusiyisa kokuthi "Izigaba," okugqanyiswe ngebhena ethi "Okusha." Kukhethwe izigaba ezimbili: Ezithrendayo Neziklanywe kahle.
Brian
Sisekuzo Izigaba, sinezela ezintsha eziyisithupha, njengesithi ezintsha,
ezithrendayo, ezinezici zabanokukhubazeka, okungamakhaya angenisa
isihlalo sabakhubazekile.
Inothi Elikusikrini
Kungemuva elimhlophe, kubhalwe inombolo 10 enkulu nokuthi "Izigaba Ezintsha
Ze-Airbnb."
Ku-app, sihlola izigaba ezintsha ezintathu.
-
Okuthi "Ezintsha" kuveza isithombe sendlu eyakhiwe ngamapulangwe ehlathini lase-Big Bear, e-California,
efakwe amavikini angu-2 edlule.
- Okuthi "Ezithrendayo" kubonisa isithombe sendlu esemaphandleni, yesimanje,
enamawindi amakhulu. Itholakala e-Lake Hayes, e-New Zealand.
- Okuthi "Ezinezici Zabanokukhubazeka" kubonisa isithombe sendlu yamapulangwe esendaweni enhle ezungezwe imvelo
e-Bostic, e-North Carolina. Isithombe sibonisa irempu enkulu yokungena
eyakhiwe ngokhuni.
Kulesi sigaba sokugcina, ividiyo iskrola iye phansi ukuze ibonise enye indlu enezici zabanokukhubazeka. Sibe sesibona isithombe sendlwana ese-Hexam, e-United Kingdom.
Brian
Iningi laBabungazi bethu bamakamelo labuza
ngesigaba sabo. Sinizwile, futhi manje, uzobona isigaba esithi "Amakamelo"
esinezindlu ezingaphezu kwezigidi ezingu-1,2 emhlabeni.
Inothi Elikusikrini
Ukubuka okusheshayo isigaba esisha esithi "Amakamelo"
kusibonisa izithombe: ikamelo elikhanyayo elinezidonga ezimnyama ezakhiwe ngokhuni kanye nombhede omkhulu onezihlalo ezifana neze-tatami
e-Bangkok, e-Thailand; ikamelo elinezindonga ezimhlophe nefenisha, eligcwele
ukukhanya kanye ne-orchid eqhakazayo, e-Imerovigli, e-Greece; kanye nekamelo lesimanje
elinodonga lwengilazi nendawo yaphansi eyakhiwe ngokhuni, e-Mexico City.
Brian
Yilokho ukuthuthukisa okungu-10 esikwenzele nina,
Babungazi bethu, baBungazi bethu, njengengxenye yalokho Okukhululwa Ngo-November 2022. Ngiyayazisa imibiko yenu. Yenze umkhiqizo wethu waba ngcono.
Inothi Elikusikrini
Kungemuva elimhlophe kubonisiwe uhlu lwazo zonke izinto ezithuthukisiwe ezingu-10. Bese ikhamera
ishintshela ku-Brian omamathekayo, onobungane, ovala ividiyo.
Brian
Futhi ngilangazelela ukusebenza nani nonke ngonyaka ozayo.
Inothi Elikusikrini
Maphakathi nengemuva elimhlophe, kukhona ilogo ebomvu
ye-Airbnb. Umculo uyaphela.