[muziki wa mdundo unapiga]
Kidokezo cha Picha
Mtazamo wa angani wa tishali likiacha njia ya mawimbi meupe linapopita kwenye ziwa. Maandishi meupe yameandikwa, "Vancouver, British Columbia."
Brian Chesky
Mamilioni ya watu sasa wanaweza kubadilisha maeneo wanamoishi na kufanya kazi.
Kidokezo cha Picha
Brian Chesky, Mkurugenzi Mtendaji na Mwanzilishi wa Airbnb, ambaye ana nywele fupi za kahawia, anasimama juu ya tishali lililochakaa kutokana na hali ya hewa. Sophie Supernova, mbwa wa rangi ya dhahabu ambayo ni hafifu kwa namna ya kipekee, ameketi kando yake kwa uvumilivu.
Brian Chesky
Na wanaenea kwa maelfu ya miji na majiji. Na wanakaa kwa wiki kadhaa, miezi kadhaa au hata misimu mizima kwa wakati mmoja.
Kidokezo cha Picha
Tishali linaegeshwa kwenye gati lililo na safu ya misonobari.
Brian Chesky
Ulimwengu mpya wa usafiri umeibuka.
Kidokezo cha Picha
Brian anaendesha gari jeusi linalotumia umeme kupitia msitu mnene, wa kijani huku mwangaza wa jua wenye ukungu uking'aa kupitia kivuli cha msitu cha matawi ya miti iliyofunikwa kwa kuvumwani.
Brian Chesky
Na kama ilivyo kwa mamilioni ya watu wengine, si lazima nirudi ofisini siku tano kwa wiki.
Kidokezo cha Picha
Sophie ameketi kwenye gari, akiwa anahema na kutazama barabara. Kamera inaelekezwa kwa Brian akiwa anatabasamu. Gari lao, ambalo sasa liko kwenye barabara inayoelekea ziwani kutoka sehemu ya juu ya kutazamia, linatoweka kwenye picha.
Brian Chesky
Kwa hivyo mimi na Sophie tulianza safari na kuona vitu vingi vya kupendeza. Lakini ilikuwa dhahiri kabisa kwamba hiki ni kionjo tu, kwa sababu kuna ulimwengu huu wote wa Airbnb--mamilioni ya nyumba za kipekee, zinazosubiri kugunduliwa.
Kidokezo cha Picha
Brian anaingia kwenye barabara yenye changarawe inayoelekea kwenye nyumba. Kisha, anatembea kupitia mlango wa mbele wa nyumba ya kipekee iliyo na madirisha kutoka sakafuni hadi darini, kuta na dari zenye mbao za rangi ya kimanjano na mapambo machache ya kisasa.
Kona ndogo ndani ya nyumba ina mchoro wa kidhahania wenye rangi changamfu, ulio na sanamu ya mbao yenye umbo U na vioo vya kupendeza kwenye kaunta iliyo chini yake. Maandishi meupe yameandikwa, "Nyumba ya Kisasa ya Pwani, mwenyeji ni Peter."
Brian Chesky
Kwa hivyo tulidhani huu ndio wakati mzuri wa kuunda Airbnb mpya kwa ulimwengu huu mpya wa usafiri.
Kidokezo cha Picha
Brian anatembea kwenda kwenye meza ndefu ya kulia ya mbao na kuketi chini. Anaweka kompyuta mpakato yake na hedofoni mbele yake na kupanga madaftari na kalamu yake vizuri pembeni. Nyuma yake kuna sebule angavu iliyojaa mimea ya nyumba, mchoro wa mviringo wa dhahabu na fedha kwenye ukuta wa nyuma na viti vyeusi vya ngozi.
Brian Chesky
Kwa hivyo tumeunda mabadiliko makubwa zaidi kwenye Airbnb katika muongo mmoja: Tunakuletea Airbnb 2022 Toleo la Mei.
Brian Chesky
Na inaanza na Aina za Airbnb. Kwa miaka 25, jinsi unavyotafuta usafiri mtandaoni imekuwa vilevile. Kuna sanduku kubwa. Ni sanduku la utafutaji na linakuuliza swali: Unaenda wapi?
Kwa hivyo tatizo la kwanza ni kwamba unapaswa ufikirie mahali pa kwenda. Tunaweza kukuonyesha maeneo ambayo usingefikiria kutafuta. Kwa hivyo ndiyo sababu tumeunda ubunifu mpya kabisa unaotokana na Aina za Airbnb.
Kidokezo cha Picha
Brian akachukua simu yake kutoka kwenye meza iliyo mbele yake.
Brian Chesky
Acha nikuonyeshe.
Kidokezo cha Picha
Skrini ya simu inaonyesha ukurasa mpya wa kwanza wa programu ya Airbnb. Juu ya skrini kuna upau wa utafutaji. Chini yake kuna upau wa mlalo wa vichupo unaoweza kutelezeshwa kwa ajili ya Aina mpya za Airbnb: Ubunifu, Kuteleza Mawimbini, Hifadhi za Taifa na Zisizo za kawaida. Kichupo cha Ubunifu kimechaguliwa na skrini inaonyesha mpasho wa matangazo ya Airbnb yenye ubunifu mashuhuri. Ya kwanza kwenye orodha ni nyumba iliyoko Two Rivers, Wisconsin iliyobuniwa na Frank Lloyd Wright ambayo inagharimu USD539 kwa kila usiku.
Brian Chesky
Kwa hivyo kitu cha kwanza utakachogundua unapofungua programu mpya ya Airbnb ni Aina zote hizi za ajabu.
Kidokezo cha Picha
Skrini inasogea juu-chini kupitia Matangazo ya Aina ya Ubunifu, ikionyesha tangazo la nyumba ambayo Brian anaishi kwa sasa, kisha kusogea hadi kwenye sehemu nyingine ya kukaa huko Topanga, California.
Brian Chesky
Aina za Airbnb ni makusanyo ya nyumba zilizopangwa kulingana na kile kinachozifanya ziwe za kipekee.
Kidokezo cha Picha
Skrini inaonyesha vichupo vya aina vilivyo juu ya skrini na kusogea haraka kupitia machaguo tofauti kabla ya kupunguza kasi na kuonyesha Aina: Mandhari za kipekee, Mashamba ya mizabibu, Nyumba za kwenye mti, Vijumba, Mapango na nyumba za Kihistoria. Aina ya Nyumba za Kwenye Mti imechaguliwa na skrini nzima ya simu inaonyeshwa tena, ikisogea juu-chini kupitia matangazo ya sehemu za kukaa za nyumba za kwenye mti.
Brian Chesky
Unaweza kutafuta kulingana na aina ya safari unayotaka kufurahia.
Kidokezo cha Picha
Simu inasogea kupitia Aina tena kisha inachagua "Ufukwe." Kisha, inasogea juu-chini kupitia nyumba zilizo ufukweni.
Brian Chesky
Hebu tuseme uko na familia yako na umekwama jijini kwa muda na unataka kuondoka.
Kidokezo cha Picha
Simu inahamia kwenye Aina ya Kupiga Kambi na inaonyesha tangazo la hema la miti pembeni mwa ziwa la mlima.
Brian Chesky
Sasa tuna Aina ya Kupiga Kambi au Aina ya Mashambani.
Kidokezo cha Picha
Simu inasogea kupita Aina za Maeneo ya Gofu na Ufukwe wa Ziwa, kisha inachagua Aina ya Mashambani. Tangazo la kwanza ni nyumba kubwa ya mbao huko Emigrant, Montana, inayoangalia mto na milima bila kuwepo kwa nyumba nyingine karibu.
Skrini inahamia kwenye Aina ya Aktiki na inaonyesha tangazo la kijumba cheupe chenye muundo wa kisasa zaidi ikijitokeza kwenye tundra nchini Norwei kwa USD165 kwa kila usiku.
Brian Chesky
Na ikiwa kweli unataka kutoka nje ya mji, kuna hata Aktiki.
Kidokezo cha Picha
Skrini inahamia kwenye Aina ya Jangwa, kwanza ikionyesha tangazo la Kifahari huko Twentynine Palms, California, kisha kusogea hadi kwenye tangazo jingine huko Pioneertown. Nyumba hiyo ina mtindo wa kisasa wa usanifu na upande wa mbele wa nyumba una umbo la mchemraba na kijia cha ngazi chenye mwangaza kinachoelekea mlangoni.
Brian Chesky
Au kama unataka kwenda jangwani, tuna nyumba nzuri za jangwani. Angalia eneo hili huko Pioneertown.
Sasa, watu wengi hawangefikiria kuandika Pioneertown, lakini unaweza kugundua nyumba hizi nzuri hapa.
Kidokezo cha Picha
Simu hiyo inaonyesha picha za sehemu ya kukaa ya Pioneertown, ikionyesha sehemu ya ndani yenye hewa ya kutosha kisha picha ya kupendeza ya sehemu ya nje ya nyumba wakati wa mchana, ikifichua mkao wake uliotengwa ambao umezungukwa na ukuta wa miamba na vichaka vya jangwa.
Simu inahamia kwenye Aina ya Kasri na inasogea kupitia orodha kadhaa za kasri.
Brian Chesky
Tuna ulimwengu wa makasri. Hatuna makasri tu--tunayo mengi.
Kidokezo cha Picha
Simu inarudi kwenye Aina ya Ubunifu na inasogea juu-chini kupitia nyumba zilizobuniwa na Ned Pratt, Michael Sant, Steve Holl na Frank Lloyd Wright. Tangazo la nyumba la Frank Lloyd Wright limechaguliwa na linaonyesha maelezo ya tangazo, ikiwemo taarifa ya Mwenyeji na chaguo la kuweka nafasi ya eneo hilo kwa USD500 kwa kila usiku.
Brian Chesky
Ubunifu labda ni Aina niipendayo. Hizi ni nyumba zaidi ya 20,000 ambazo zimechaguliwa kwa sababu zimetoka kwa wasanifu majengo maarufu, kama vile Frank Lloyd Wright au zimekuwa kwenye majarida ya kupendeza ya ubunifu au usanifu majengo.
Kidokezo cha Picha
Simu inarudi kwenye matangazo ya Aina ya Ubunifu na inachagua tangazo linalofuata--Sunflower House, iliyobuniwa na Cadaval & Sola-Morales. Nyumba hii inaonekana kama mkusanyiko wa michemraba myeupe iliyopangwa mmoja juu ya mwingine. Kila mchemraba una dirisha kamili kama ukuta wa mbele, likitoa mtazamo tofauti ya mandhari ya bahari, ambayo inaonyeshwa katika picha nyingine za tangazo.
Brian Chesky
Au mojawapo ya Aina nizipendazo: Zisizo za kawaida.
Kidokezo cha Picha
Skrini inahamia kwenye Zisizo za kawaida Aina, ambayo ina alama ya ikoni ya UFO. Tangazo la kwanza kwenye ukurasa linaonyesha gari la kale, lenye rangi nyekundu angavu lililoko ndani ya miti.
Brian Chesky
Tulikuwa tukijaribu kufikiria jina la Aina hii na jina Zisizo za Kawaida likafaa, kwa sababu una nyumba ambapo unashangaa na kusema, "Siwezi kuamini kwamba hata hii ipo, ikiwemo nyambizi hii ya rangi ya manjano iliyo katikati ya misitu nchini New Zealand."
Kidokezo cha Picha
Skrini inasogea kupita gari la moshi, basi la ziara lenye ngazi mbili lililochorwa bendera ya Uingereza na kusimama kwenye nyambizi ya manjano iliyozungukwa na miti.
Brian Chesky
Kwa hivyo Aina hukuruhusu kutafuta kulingana na shauku yako ni, chochote unachopenda. Na zingeweza kukuongoza kwenye ulimwengu mzima wa uwezekano na miji ambayo usingejua kutafuta.
Lakini Aina pia hufaa unapotafuta eneo. Na hili ni jambo ambalo ninafurahi sana kukuonyesha. Hebu tuseme tunataka kwenda nchini Ufaransa.
Kidokezo cha Picha
Juu ya skrini ya simu, kichwa kimeandikwa "Unaenda wapi?" kikiwa na upau wa utafutaji chini yake na mzunguko wa maeneo yanayotolewa, ikiwemo "Ninaweza kubadilika," "Marekani," "Ulaya" na "Ufaransa." Chini ya mzunguko kuna vidhibiti vya "Lini" na "Nani" ambapo watumiaji wanaweza kuweka muda na idadi ya wageni kwenye safari. Onyesho linasogea hadi kwenye chaguo la "Ufaransa" na kulichagua, likifungua ukurasa mpya, mtazamo wa ramani.
Ufaransa inachaguliwa na inafungua mtazamo wa ramani. Juu ya skrini kuna upau wa utafutaji na mzunguko wa aina na aina ya kwanza, "Nyumba zote", imechaguliwa kimbele. Chini ya aina kuna ramani ya Ulaya ya kati na matangazo kadhaa yaliyoonyeshwa kupitia pini za ramani zilizotambulishwa kulingana na bei. Nusu ya chini ya skrini inaonyesha mwonekano wa orodha wa sehemu za kukaa kwenye ramani.
Brian Chesky
Kwa hivyo ninaenda Ufaransa hapa na ninatafuta. Na tuna matokeo yote hapa katika "Nyumba Zote."
Kidokezo cha Picha
Simu inachagua Aina ya Nyumba za Kihistoria.
Brian Chesky
Lakini sasa utaona kwenye sehemu ya juu tuna aina--aina kama vile nyumba za Kihistoria.
Kidokezo cha Picha
Simu inapanua mwonekano wa orodha, ikifichua mwonekano wa kasri katika maeneo ya mashambani nchini Ufaransa, kisha inasogea chini zaidi kwenye orodha.
Brian Chesky
Sasa, kila moja ya Aina hizi ni mahususi kwa eneo hilo, kama vile kuna nyumba za Kihistoria nchini Ufaransa au Mashamba ya Mizabibu. Ninamaanisha kwamba watu wengi wanapenda kuonja mvinyo nchini Ufaransa.
Kidokezo cha Picha
Screen anarudi kwenye mtazamo wa ramani, inabadilisha kwenda Mashamba ya Mizabibu na ramani inaleta picha karibu kwenye kusini mwa Ufaransa kiotomatiki. Orodha hiyo inapanuka ili kufunua sehemu za kukaa zinazopatikana katika mashamba ya mizabibu kwenye eneo zima.
Brian Chesky
Lakini kuna baadhi ya mambo nchini Ufaransa ambayo huenda hukuyajua kuhusu, kama vile Kuteleza Mawimbini.
Kidokezo cha Picha
Simu hiyo inatoka kwenye Mashamba ya mizabibu kwenda kwenye Kuteleza Mawimbini, ikifunua zaidi ya sehemu 1,000 za kukaa za kuchagua.
Brian Chesky
Sasa kuna aina ya Kuteleza Mawimbini nchini Ufaransa. Kuna aina inayofaa kila mtu.
Brian Chesky
Tumekuandalia njia ya kuwa na machaguo zaidi unapotafuta sehemu za kukaa za muda mrefu. Ni kipengele kipya ambacho tunakiita "Kukaa Kwenye Nyumba Mbili." Sasa, Kukaa Kwenye Nyumba Mbili huonekana wakati wowote unapotafuta ukaaji wa zaidi ya wiki moja. Hugawanya safari yako kati ya nyumba mbili tofauti.
Kwa hivyo acha nikuonyeshe. Tuseme ninataka kwenda nchini Ufaransa kwa mwezi mmoja msimu huu wa kiangazi na nitaenda pamoja na Sophie, bila shaka.
Kidokezo cha Picha
Kamera inaonyesha Sophie, ambaye anaangalia juu kutoka kwenye kitanda chake cha kijivu cha kupendeza. Simu inasogea kupitia orodha ya sehemu za kukaa nchini Ufaransa.
Brian Chesky
Na nitaelekea hapa chini na utaona baadhi ya Kukaa Kwenye Nyumba Mbili.
Kidokezo cha Picha
Chini ya sehemu nyingine kadhaa za kukaa kuna sanduku lililo na jozi ya sehemu za kukaa, moja huko Draguignan ya tarehe 2-7 Agosti na nyingine huko Saint-C'zaire-sur-Saigne ya tarehe 7-27 Agosti. Bei ya sehemu zote mbili za kukaa kwa pamoja inahesabiwa kuwa USD8,842.
Skrini inarudi kwenye orodha kamili ya sehemu za kukaa ili kuendelea kusogea, hatimaye inatua kwenye sehemu tofauti za kukaa zenye bei ya jumla ya USD5,171 na tarehe za safari katika mwezi mzima wa Julai.
Brian Chesky
Sasa, Kukaa Kwenye Nyumba Mbili ni fursa yetu kuunda utaratibu wa safari wa nyumba mbili zinazofuatana na inaunganisha nyumba mbili pamoja. Kwa hivyo unaweza kukaa kwa muda mrefu au unaweza kujaribu nyumba mbili tofauti.
Kidokezo cha Picha
Skrini inaonyesha mwonekano wa ramani ya sehemu za kukaa nchini Ufaransa, zikiwakilishwa na pini za ramani zilizo na lebo za bei. Baadhi ya pini zina ikoni ya nyumba iliyo karibu na bei, inayowakilisha Kukaa Kwenye Nyumba Mbili. Simu inachagua Kukaa Kwenye Nyumba Mbili na mstari unachorwa kwenye pini nyingine. Maandishi yanabadilika kwenye pini zote mbili za ramani--tarehe 1-16 Julai inaonyeshwa kwa ukaaji mmoja na tarehe 16-29 Julai inaonyeshwa kwenye upande mwingine.
Brian Chesky
Kwa hivyo Kukaa Kwenye Nyumba Mbili ni nzuri kwa sababu unaweza pia kuzitumia kupitia Aina za Airbnb. Hebu tuseme kuna aina unayopenda. Ninapenda hifadhi za taifa.
Kidokezo cha Picha
Simu inahamia kwenye Hifadhi za Taifa. Ramani hiyo inaelekea moja kwa moja Kusini Magharibi mwa Marekani, ambako sehemu nyingi za kukaa zimejikita.
Brian Chesky
Kwa hiyo nitaenda kwenye Hifadhi za taifa na iko hapa: "Gawanya wakati wako kati ya Joshua Tree na Zion."
Kidokezo cha Picha
Skrini inasogea kwenye orodha ya sehemu za kukaa katika hifadhi za kitaifa, hadi ifikie mfano mwingine wa Kukaa Kwenye Nyumba Mbili. Simu inafungua Kukaa Kwenye Nyumba Mbili, kwanza ikionyesha tangazo katika Joshua Treea, kisha inakunja sehemu hiyo ya kukaa na kupanua tangazo huko Zion.
Brian Chesky
Kwa hivyo sasa, mimi na Sophie tunaweza kukaa katika hifadhi mbili za kitaifa.
Brian Chesky
Watu wengi kwa kweli hawajaondoka nyumbani kwao kwa miaka miwili.
Kidokezo cha Picha
Mkusanyo wa picha wa familia zinazosafiri. Kijana aliye na kamba za viatu zisizolingana anaandamana na mtoto mdogo aliyeketi juu ya sanduku. Mzazi anaangalia nje ya dirisha la ndege, akiwa amembeba mtoto wake ili aone nje. Mtu aliye na nywele za rangi ya kimanjano zilizokatwa kwa karibu anabeba sanduku lake kwenye kichochoro chembamba cha Ulaya. Mtu anayebeba begi la mgongoni mwenye nywele ndefu anakunja kiganja chake usoni mwake ili kuangalia kupitia dirisha la sehemu ya kukaa ya Airbnb. Familia ya watu wanne inaingia kwenye mlango wa mbele wa Airbnb. Ndugu mkubwa anaongoza njia, baba yake anasaidia kushikilia mlango wazi. Mama anapita, akiwa ameshikilia mtoto kwenye mkono mmoja na begi la nepi kwenye mkono mwingine.
Brian Chesky
Na majira haya ya kiangazi yatakuwa mara ya kwanza kwa watu wengi kusafiri nje ya mazingira yao ya kawaida na kwenda mahali pengine.
Kidokezo cha Picha
Wanawake wawili waliovaa mavazi yenye joto kwenye mlango wa msonge wa barafu, mmoja akiwa anamsaidia mwingine kuinua sanduku lake kupitia kizingiti. Taa inawaka kwenye theluji kando yao.
Brian Chesky
Na tunataka wahisi kama tumewasaidia wanapofanya hivyo, kwa hivyo tunaunda AirCover kwa ajili ya wageni--seti kamili zaidi ya ulinzi bila malipo katika usafiri. AirCover inajumuishwa kila wakati na haina malipo kila wakati na ina ulinzi huu.
Garantii ya Ulinzi wa Kuweka Nafasi, kwa tukio nadra ambapo mwenyeji anaghairi nafasi uliyoweka ndani ya mwezi mmoja baada ya kuwasili.
Garantii ya Kuingia, ikiwa kwa sababu fulani huwezi kuingia kwenye Airbnb yako.
Na Garantii ya Sehemu kama Ilivyo, ikiwa Airbnb yako haiko kama ilivyotangazwa--kwa mfano, AC imevunjika au kuna vyumba vichache vya kulala kuliko ilivyotangazwa.
Sasa, katika visa vyote vitatu, tutakutafutia nyumba sawa au bora zaidi au tutakurejeshea fedha na AirCover pia hutoa mawasiliano ya usalama ya saa 24. Kwa hivyo ikiwa utajihisi kwamba hauko salama, utapata kipaumbele cha kuhudumiwa na wahudumu waliopata mafunzo mahususi.
Kidokezo cha Picha
Jedwali linaonyeshwa likiwa na dhamana tatu na mawasiliano ya usalama ya saa 24 kama vichwa vya safu na Airbnb na Washindani kama vichwa vya safuwima. Kwa kila safu, ikoni ya ukaguzi ya kijani inaonekana kwa Airbnb na x nyekundu inaonekana chini ya Washindani, ikionyesha kwamba hakuna washindani wowote wa Airbnb wanaotoa ulinzi sawa wa usafiri. Maelezo hapa chini yanasomeka, "Faida za AirCover ikilinganishwa na ulinzi kamili unaotolewa bila malipo na washindani wetu wengi wa moja kwa moja."
Brian Chesky
Na AirCover hailinganishwi kabisa katika sekta ya usafiri. Kwa kweli hakuna huduma nyingine kama hii.
Brian Chesky
Kwa hivyo hilo ndilo Toleo la Mwezi Mei mwaka 2022 la Airbnb--kupitia njia mpya ya kutafuta iliyobuniwa kwenye Aina za Airbnb, Kukaa Kwenye Nyumba Mbili na AirCover kwa ajili ya wageni.
Kidokezo cha Picha
Sophie amelala katika kitanda chake cha mbwa.
Brian Chesky
Sophie!
Kidokezo cha Picha
Sophie anaamka na kwenda kwa Brian.
Mkusanyo wa picha za Brian na Sophie Supernova wakiwa wanachunguza sehemu mbalimbali za kukaa za Airbnb. Brian akifanya kazi kitandani akiwa amevaa viatu vyake, Sophie akijipumzisha kwenye miguu yake na kuchungulia kwenye lenzi. Brian anapiga maji katika mwisho usio na kina kirefu wa bwawa la ua wa nyuma akimwagia Sophie, ambaye anaangalia maji kwa tahadhari. Brian ameketi kwenye nyasi katika ua la nyuma la kifahari akiwa anakunywa kahawa yake ya asubuhi wakati Sophie anacheza na mpira kando yake.
Brian Chesky
Nilipokuwa nikikaa katika nyumba hizi tofauti na kuwa na uzoefu ambao mgeni katika Airbnb angekuwa nao, nilikuwa na hisia hii ya kustaajabisha na ya kidadisi.
Kidokezo cha Picha
Sophie akiwa mbele ya nyumba ya Airbnb iliyo na paa lenye mwinuko mkali. Brian analala kwenye sofa ya watu wawili kwenye chumba chenye paneli za mbao, akimpapasa Sophie kwa kumdekeza.
Brian Chesky
Na tulitaka upate uzoefu wa ulimwengu huu mzima wa uwezekano vilevile na kile ambacho huduma yetu mpya inaweza kufanya.
Kidokezo cha Picha
Mwonekano wa nje wa nyumba huko Vancouver, huku Brian na Sophie wakionekana kupitia milango ya mbele ya vioo. Brian anafungua mlango na Sophie anajitokeza akiwa na mkanda mwekundu, akilenga umakini wake kwenye matuta ya maua yaliyo mbele ya nyumba. Brian anafunga mlango na kutazama huku na huku.
Brian Chesky
Nimefurahishwa sana na kile tulichokifanya--nimefurahi zaidi kwamba unaweza kujaribu.